इनरुवा, सुनसरी: तमु ह्युल छोज धि गुरुङ राष्ट्रिय परिषद्, जिल्ला कार्यसमिति सुनसरीको पाँचौं जिल्ला अधिवेशन आगामी २०८२ असोज ३ गते हुने भएको छ। *१६ भदौ, सोमबार बसेको कार्यसमितिको बैठकले उक्त अधिवेशन गर्ने निर्णय गरेको हो।
अधिवेशनलाई सफल बनाउन विभिन्न जिम्मेवारीहरू तोकिएका छन् ।
केन्द्रीय सदस्य तथा जिल्ला उपाध्यक्ष दिव्यराज गुरुङले दिएको जानकारीअनुसार, अतिथि स्वागत सत्कारको जिम्मेवारी विष्णु माया गुरुङ र वर्ता गुरुङलाई दिइएको छ।
त्यसैगरी, खाना तथा खाजा व्यवस्थापनको जिम्मा केशव गुरुङ र प्रकाश गुरुङले पाएका छन्।
यसका साथै, हल र साउन्ड सिस्टमको व्यवस्थापन वान प्रसाद गुरुङ (भोला)ले गर्नेछन् भने सांस्कृतिक कार्यक्रमको व्यवस्थापनको जिम्मेवारी भवानी देवी गुरुङ र नर्मदा गुरुङलाई दिइएको छ।
अधिवेशनमा दर्ता व्यवस्थापनका लागि जानुका गुरुङ, मिश्रा गुरुङ, र पशुपति गुरुङलाई तोकिएको छ भने हाजिरी दर्ताको जिम्मेवारी निरञ्जन गुरुङले सम्हाल्नेछन्।
जिल्ला अध्यक्ष धिरज गुरुङ र उपाध्यक्ष दिव्यराज गुरुङ केन्द्रीय सदस्यमा निर्वाचित भएपछि जिल्लाको नेतृत्व हस्तान्तरणको प्रक्रिया अगाडि बढाइएको बुझिएको छ।
*१६ भदौ २०८२, सोमबार हुनुपर्नेमा, अन्यथा भएकोले सच्याईएको । सम्पादक
