नव सुन्दर क्लब सुन्दर टोलको आर्थिक सहयोग इटहरी वडा नं. २० मार्फत प्रधानमन्त्री राहत कोषमा पठाइदै

इटहरी (सुनसरी( । भोटेकोशी, रसुवा र त्रिशुली क्षेत्रमा आएको भीषण बाढी तथा पहिरोबाट प्रभावित भएका पीडितहरूको उद्धार र राहतका लागि नव सुन्दर क्लब, सुन्दर टोल इटहरी–२० ले आर्थिक सहयोग सङ्कलन अभियान सम्पन्न गरेको छ। टोल तथा स्थानीय बासिन्दाहरूबाट सङ्कलन गरिएको राहत रकम इटहरी उपमहानगरपालिका वडा नं. २० कार्यालयमार्फत प्रधानमन्त्री दैवी प्रकोप राहत कोषमा जम्मा गरिने निर्णय गरिएको छ।

सहयोग सङ्कलन अभियान सफलताका साथ सम्पन्न भएपछि क्लबका अध्यक्ष हिमाञ्चल भुजेलले सम्पूर्ण सहयोगी दाताहरूलाई धन्यवाद ज्ञापन गर्दै भन्नुभयो, “”विपत्तिको समयमा एक–अर्कालाई सहयोग गर्नु नै हाम्रो मुख्य सामाजिक दायित्व हो। भीषण बाढीबाट प्रभावित भोटेकोशी, रसुवा र त्रिशुलीका बाढीपीडितहरूको राहतका लागि हामीले यो अभियान सञ्चालन गरेका हौँ। हाम्रा टोलबासी तथा सदस्यहरूले देखाउनुभएको यो आत्मीयता र सहयोगले बाढीपीडित परिवारलाई पुनरुत्थानमा सानो भए पनि राहत पुग्नेछ। यस अभियानमा जोडिनुहुने, सहयोग हस्तान्तरणमा सहभागी हुने र रकम उपलब्ध गराउने सम्पूर्ण सहयोगी दाताहरूमा क्लबका तर्फबाट हार्दिक धन्यवाद सहित आभार व्यक्त गर्दछौँ।”

सहयोगी दाताहरूको नामावली तथा रकम विवरण

सङ्कलन सूची अनुसार कुल ६३ जना स्थानीय दाताहरूले स्वैच्छिक रूपमा आर्थिक सहयोग प्रदान गर्नुभएको छ। नामावली विवरण यस प्रकार छ: