गोर्खा खबर, इटहरी
मितिः २०८२ श्रावण २९, आइतबार
तरहरा कोरा च्यालेञ्ज २०२५ को लागि सहभागी दर्ता आजबाट औपचारिक रूपमा बन्द भएको छ । कार्यक्रम समन्वयकर्ताका रूपमा रहेका संयोजक सुरज लामाका अनुसार, यस वर्षको कोरा च्यालेञ्जमा अत्यधिक उत्साहजनक रेकर्ड तोड सहभागीता देखिएको छ ।
तरहरा कोरा च्यालेञ्ज चौथो संस्करणले इटहरी तथा आसपासका क्षेत्रमा साइकलिङ संस्कृतिको प्रवर्द्धन, स्वस्थ जीवनशैलीको सन्देश र वातावरणीय सचेतनालाई प्रवाह गर्ने उद्देश्य रहेको, लामाले बताए ।
सुरज लामाले गोर्खा खबरसँगको कुराकानीमा भने, “सार्वजनिक रूपमै जुन माया र समर्थन पाइयो, त्यसका लागि हामी अत्यन्तै आभारी छौँ। अब दर्ता प्रक्रिया बन्द भइसकेको छ र अब हामी सहभागीहरूलाई स्वागत गर्न उत्साहित छौँ।”
तरहरा साइकलिङ क्लबको आयोजनमा कार्यक्रम श्रावण ३ गते हुदैछ । साइकलिङ रुट बारे आयोजक केही दिनअघि फेशबुक लाइभ गरेर समेत जानकारी गराए । कार्यक्रमका बारे तथा सुरक्षा मापदण्ड तथा अन्य विवरणहरू थप औपचारिक सूचना र सामाजिक सञ्जालमार्फत सार्वजनिक गरिने आयोजकको भनाइ छ । सहभागीहरूलाई नियमित रूपमा अपडेटहरू हेर्न र कार्यक्रमका लागि तयारी अवस्थामा रहन अनुरोध गरिएको छ।
तरहरा साइकलिङ क्लबको अफिसियल फेशबुक पेजसँग अपडेट रहन यहाँ क्लिक गर्नुहोस् ।
(नोटः कोरा च्यालेञ्ज २०२५ तथा तरहरा उत्सव २०८२ सम्बन्धी थप समाचार, फोटो र प्रत्यक्ष झलकहरूका लागि गोर्खा खबरसँगै रहनुहोस्।)
